Гісторыя Беларусі. Тэрміны3. 11 клас

Калабарацыянізм

усвядомленае, добраахвотнае
і наўмыснае супрацоўніцтва з ворагам, у яго інтарэсах і на шкоду сваёй
дзяржаве.

Канфе́сія

асаблівасць веравызнання ў межах
вызначанага рэлігійнага вучэння, а таксама аб’яднанне вернікаў, якія прытрымліваюцца
гэтага веравызнання.

Мадэрніза́цыя

працэс паступовага ўдасканалення грамадскіх адносін у ходзе
станаўлення індустрыяльнага грамадства.

Манапо́лія

выключнае права адной асобы,
групы асоб або дзяржавы на вытворчасць, гандаль ці якую-небудзь іншую сферу
дзейнасці.

Раскула́чванне

сістэма рэпрэсіўных мер, якія ажыццяўляліся савецкай уладай
напярэдадні і ў час калектывізацыі супраць сялян, прылічаных да разраду кулакоў.

Рэабіліта́цыя

аднаўленне добрага імя і правоў нявінна асуджаных

Рэпара́цыі

поўная ці частковая кампенсацыя, выплата матэрыяльных страт
ад вайны дзяржавай, якая здзейсніла агрэсію, той краіне, якая пацярпела ад яе.

Рэфо́рма

пераўтварэнне, змяненне, перабудова якога-небудзь боку эканамічнага
і грамадскага жыцця пры захаванні асноў існуючага дзяржаўнага ладу.

Уніяцтва

канфесія, якая ўзнікла на аснове саюза (уніі) розных хрысціянскіх
цэркваў з каталіцкай царквой на ўмовах прызнання першымі рэлігійнага вяршэнства
папы рымскага і каталіцкай дагматыкі пры захаванні традыцыйнага рэлігійнага
культу і выкарыстанні мясцовай мовы для набажэнства.

Урбаніза́цыя

працэс міграцыі насельніцтва з сельскай мясцовасці ў гарадскую,
што ў выніку прыводзіць да імклівага росту гарадоў.

Экле́ктыка

мастацкі кірунак, арыентаваны на выкарыстанне
ў адным будынку любых форм мінулага ў любых спалучэннях