Вэб-турнір “Пісьменнікі-землякі – дзецям”! Адгадайце загадкі ад Міколы Бусько!

Ён тры месяцы ляжыць –
На чацвёрты ўніз бяжыць

СНЕГ

Як вялікі васьміног,
Па градзе паўзе…

ГАРОХ

Глянь, схаваўся
Пад лісточак
Маладзенькі…

АГУРОЧАК

Парушае ночы ціш –
У кутку скрабецца…

МЫШ

Бо на печы без турбот
Ціха спіць лянівы…

КОТ

Вунь стаіць на тупкім месцы
З доўгай вудаю рыбак.
“Фіў!” –
Трапечацца на лесцы
Татам злоўлены…

ШЧУПАК

“Сіў-сіў” – пасвістаў
Свісток, а затым
Раптоўна ўзляцеў
І схаваўся ў кусты.
Свісток у свой домік
Ляціць з чарвяком.
Наш добра знаёмы
Завецца…

ШПАКОМ

Наступіла лета.
Палячу да кветак.
Свой маторчык завяла:
– Я далёка дзе была,
Смакаты вам прынясла.
А завуць мяне…

ПЧАЛА

Адмысловы гадзіннік,
Крылаты будзільнік.
Адметны і ў спеве.
А хто гэта?..

ПЕВЕНЬ